|
ઓસ્ટ્રેલિયા ૨૩મીએ ભારત પ્રવાસે આવે તેવી શક્યતા |
|
|
|
રમત જગત સમાચાર
|
|
Written by GS News
|
|
Wednesday, 10 September 2008 |
|
જયપુરમાં પણ પ્રેક્ટિસ મેચ રમશે
મેલબોર્ન,
ઓસ્ટ્રેલિયાની ટીમ નિર્ધારિત કાર્યક્રમ કરતાં એક સપ્તાહ વહેલા ભારત
પ્રવાસે આવી પહોંચે તેવી શક્યતા છે. અગાઉના કાર્યક્રમ મુજબ ઓસ્ટ્રેલિયા ૨૯
સપ્ટેમ્બરના રોજ ભારત આવવાનું હતુ પણ હવે તેઓ ૨૩મીની આસપાસ આવી પહોંચે
તેવી શક્યતા છે.
કાર્યક્રમમાં થયેલા પરિવર્તન અંગે બોર્ડને જાણ કરવામા આવી નથી
ભારત પ્રવાસમાં એક કરતાં વધુ પ્રેક્ટિસ મેચ રમવાની ઓસ્ટ્રેલિયાએ માંગણી કરી હતી. તેઓ ૨૭ અને ૨૮મી સપ્ટેમ્બરે રાજસ્થાન ક્રિકેટ એસોસિએશનના સેન્ટર ઓફ એક્સલન્સ ટીમ સામે પ્રેક્ટિસ મેચ રમે તે લગભગ નક્કી જ છે. જે સેન્ટરના વડા ભારતના ભૂતપૂર્વ કોચ ચેપલ છે. ઓસ્ટ્રેલિયન બોર્ડના પ્રવક્તા એ કહ્યું હતુ કે, તેમની ટીમ જયપુરમાં છ દિવસ રોકાશે. જો કે અમે હજુ તારીખ નક્કી કરી નથી.
બીસીસીઆઇએ કહ્યુ કે તેઓ નિર્ધારિત કાર્યક્રમ કરતાં પહેલા ભારત આવવાના છે તે માહિતી અમને છે.
જો કે તેમણે હજુ સત્તાવાર રીતે કોઇ માહિતી આપી નથી. બીસીસીઆઇએ ઓસ્ટ્રેલિયા માટે પ્રેક્ટિસ મેચ હૈદરાબાદમાં યોજવાનો નિર્ણય લીધો છે. પ્રવાસી ટીમ અને બોર્ડ પ્રેસિડેન્ટ ઇલેવન વચ્ચે ૨ થી ૫ ઓક્ટોબર દરમિયાન મેચ રમાશે.
 |
Subscribe to this comment's feed
Show/Hide comments
Show/Hide comment form